Moreno walay supak sa ipahigayong derby sa Indahag Square Garden

WALAY pagsupak si Konsehal Imee Rose Moreno sa ipahigayon derby basta dili lang kini  makasupak sa  balaod.

Kini ang reaksyon  sa konsehal  atol sa sesyon sa Konseho niadtong Lunes nga gidumala ni Bise Mayor Bebot Rodriguez human giuyunan  ang  Ordinance No. 14688-2024 nga naghatag panugot sa aplikasyon ni Mr. Victor Cabeltes  nga mopahigayon og  3 stag derby ug 2 wins hack fight diha sa Indahag Square Garden  sa umaabot  Enero 16 -17 ning tuig  nunot sa kapistahan  sa Sitio Talisay nga sakop sa barangay.

Gipasabot sa konsehal  nga daghan nang susamang aplikasyon  sa derby ang miagi sa konseho   ug  wala siyay problema  basta wala lay probisyon sa balaod  nga  masupak  niini.

Hinoon, mibutyag si Konsehal Moreno nga dako ang iyang pagsalig sa buhatan sa City Legal nga maoy gitahasan usab   sa pag-review niini.