Moreno malaumon tumanon sa COWD ilang obligasyon

Gipanghinaut ni Konsehal Imee Moreno nga matuman sa Cagayan de Oro Water District (COWD) ang ilang obligasyon sa katawhan sa syudad pagtunol og igong supply sa tubig.

Kini ang pamahayag sa konsehal sa milabayng sesyon sa konseho nga gidumala ni Presiding Officer Protempore Konsehal Romeo Calizo, human gipresentar sa kadagkoan sa Water District ang tukmang kahimtang sa sistema sa panubig sa syudad ug mga prorama ug proyektong gilantaw nga magpalambo sa ilang serbisyo.

Matod ni Moreno nga halos maoy kanunay nga mulo sa mga tao nga moduol kaniya ug bisan sa social media, ang problema sa tubig nga iyang gikahingawa.

Hinuon, siya miingon nga tinguha sa kagamhanan nga masolosyonan ang problema sa panubig hinungdan nga nagdapit kini og mga imbestor nga unta ang COWD ang maghimo. Siya malaumon gihapon nga matuman sa COWD ang ilang obligasyon ngadto sa katawhan sa Cagayan de Oro.