MOA tali’s CDO, XU-SOE giuyonan Night school program padayong mapatuman

PADAYONG gihatagan og prioridad sa kagamhanan sa dakbayan ang pag-angkon og maayong kaugmaon sa kabatan-onan.

Sa sesyon sa konseho niadtong Lunes nga gidumala ni Bise Mayor Bebot Rodriguez, hiniusang gipalabang ang ordinansa nga naghatag og katungod ni Mayor Klarex Uy pagpirma sa Memorandum of Agreement (MoA) tali sa kagamhanan sa dakbayan pinaagi sa City Social Welfare and Development (CSWD) ug Xavier University - Ateneo de Cagayan alang sa pagpatuman sa Night School Program-Alternative Learning Sytem.

Ang programa maghatag og kahigayunan sa sektor sa kabataan nga anaa sa kadalanan, kabatan-onang wala magtungha apan adunay kaikag nga makakat-on ug uban pang sektor sa komunidad nga naninguhang makab-ot ang dugang kaarangan sa ilang kinabuhi.

Si Konsehal Suzette Magtajas-Daba, chairman sa Komite sa Edukasyon, mipasalamat sa administrasyon ni Mayor Klarex Uy sa kanunay nga paghatag og prayoridad sa natad sa edukasyon.

“Ika-walo ka tuig na karon sa pagpatuman sa programa ug daghan nang kabataan ang nadasig nga mobalik pag-eskwela aron maangkon ang ilang gidamgong kalampusan,” pamahayag ni Konsehal Suzette Daba.