MOA tali DA RFO-10 giuyonan sa Konseho

HAYAN matubag na ang mga panginahanglanon, mapalambo ang produkto ug mausbawan pa ang kinitaan sa mga mag-uuma sa Dakbayan.

Kini human giuyonan sa konseho sa syudad atol sa sesyon sa Lunes nga gidumala ni Bise Mayor Bebot Rodriguez ang ordinansa nga naghatag katungod ni Mayor Klarex Uy pagpirma sa Memorandum of Agreement (MOA) tali sa Kagamhanan sa Dakbayan sa Cagayan de Oro ug Department of Agriculture, Regional Field Office 10 (DA RFO-10).

Kini naglangkob sa implementasyon sa proyekto sa DA RFO kabahin sa 2024 Agricultural Machinery Equipment and Facilities Support Services (AMEFFS) hog delivery truck nga mobalor og P3 milyones.

Ang maong ordinansa nga gipalabang sa Konseho alang sa maong katuyoan gipaluyohan sa Komite sa Agriculture ni Konsehal Jay Pascual ug sa Komite sa Pamalaod ni Konsehal Edgar Cabanlas.