MOA kalabot pagpatuman sa iSTART tukion sa Komite sa Planning

GIPAABOT tukion sa Komite sa Planning and Research ubos ni Konsehal Ian Mark Nacaya ang gisugyot nga Memorandum of Agreement (MOA) tali sa Department of Science and Technology (DOST) og sa kagamhanan sa syudad nga representahan ni Mayor Rolando A. Uy.

Kini may kalabotan sa kolaborasyon sa duha ka partido diha sa pagpatuman sa  mga programa ug proyekto ubos sa Innovation, Science and Technology for Accelerating Regional Technology-Based Development (iSTART) nga adunay tumong pagsuporta alang sa balanse nga kalamboan  sa geograpiya.

Nasayran nga gitinguha usab sa lokal nga kagamhanan  nga  mapalambo ang technology-based development plan  alang sa agri-based, manufacturing and services sectors, pakiglambigit sa mga researchers, scientist, ingon man engineers kinsa maoy magsuporta sa technology-based investment and project sa rehiyon.

Dugang niini, moagni usab kini og mga bag-ong technology-based investment subay sa gi-validate nga plano og kolaborasyon tali sa  kagamhanan ug sa departamento.