Mga tambal nga gidonar sa PAGCOR gitunol ngadto sa Besigan, Dansolihon

MADASIGON nga gitunol sa buhatan ni Konsehal George Goking, Chairman sa Komite sa Ways and Means, ngadto sa Barangay Besigan ug Dansolihon ang mga liquid medicine nga gidonar sa Philippine Amusement and Gaming Corporation.

Kini gitunol sa miaging adlaw atubangan sa presensya ni Kapitan Samuel Minister sa Besigan ug Kapitan Ogie Roa sa Dansolihon uban sa mga sakop sa ilang tagsa tagsa ka konseho ug mga health workers.

Sumala ni Goking nga dako kaayo kini og ikatabang sa katawhan nga mahatagan sa libreng mga  tambal gikan sa ahensya ug siya  malaumon nga mapahimuslan kini sa tanan.