Mga seminar kalabot sa reproductive health gihangyong himuon

Tukion sa komite sa Women and Family Relations ni Konsehal Imee Moreno ang gipadangat nga resolosyon sa Rotary Youth City Council Batch 2022 nga nanawagan sa pagpahigayon og mga symposium ug seminar kabahin sa reproductive health ug sexual education, family planning ug teenage pregnancy dinha sa tanang mga tinun-an sa publiko ug pribadong tunghaan dinhi sa dakbayan sa Cagayan de Oro.

Gitungaha sa grupo sa mga kabatan-onan nga pinaagi sa paghatag og tukmang edukasyon ug impormasyon bahin sa reproductive health ug sexual education diha sa tagsa-tagsa ka mga tunghaan maminusan o’ matubag ang mga panghitabo sa teenage pregnancies.