Mga residente sa Purok 12, Tablon mihangyo og relokasyon

Malaumon ang mga molopyo sa Purok-12 seaside barangay Tablon nga makonsidera nga on-site relocation area ang ilang dapit.

Kini human gihangyo sa maong kapunungan nga matabangan sila sa administrasyon ni Mayor Rolando “Klarex” Uy nga masugdan pagbalik ang negosasyon sa tag-iya sa lote sa panghinaot magka-uyon aron makab-ot ang dugay nang gihangyo sa mga molopyo.

Niini suportado ni konsehal Edgar Cabanlas chairman sa Komite sa Urban & Rural Poor and Housing Development ang maong hangyo sa kapunungan pinasubay sa mga gabayan sa goberno sa pag-avail sa maong programa ug tipik niini nga luwas ug layo sa danger zone ang dapit ug magka-uyon sa presyo nga gihanyag.

Mahinumduman nga kapin sa 200 ka mga residente ang dugay nang nagpuyo sa dapit ug anaa usab dool ang ilang panginabuhian.