Mga reklamo kontra mga opisyal sa brgy tukion sa Blue Ribbon

TUKION sa komite sa ethics and blue ribbon ni Konsehal Edgar Cabanlas ang mga reklamo nga gipasaka batok sa pipila ka mga opisyal sa barangay dinhi sa syudad.

Kini naglakip sa reklamong gipasaka batok sa kapitan sa barangay Puntod alang sa kasong simple misconduct ug oppression; reklamo batok sa usa ka kagawad sa barangay Gusa alang sa kasong physical injuries, kalapasan sa probisyon sa RA 6713 ug conduct unbecoming sa usa ka opisyal sa gobyerno; reklamo batok sa kapitan sa Barangay 26 alang sa kasong administrative adjudication; reklamo sa usa ka residente sa barangay Kauswagan batok sa ilang kapitan kalabot sa paghikling sa aplikasyon alang sa fencing permit, ug reklamo batok sa usa ka kagawad sa barangay Cugman sa kasong paglapas sa probisyon sa RA 7610, grave abuse of authority, grave misconduct, serious dishonesty ug conduct prejudicial to the best interest of the service.

Ang tigom sa komite karong alas 2 sa hapon dinha sa hawanan sa konseho gipaabot tambongan nila ni Konsehal Jose Pepe Abbu Jr, Girlie Balaba, Romeo Calizo, Roger Abaday, James Judith II ug Bise Mayor Jocelyn Rodriguez.