Mga proyekto sa DPWH makatabang sa syudad - Abaday

DAKO og ikatabang ang mga  proyekto nga gi-implementar sa Department of Public Works and Highways dinhi sa syudad ilabi na og nagkinahanglan sa dako nga pundo alang sa maong katuyoan.

Kini ang gipaambit nga pamahayag ni Konsehal Abaday atol sa panagtigom sa Komite sa Public Works nga gidumala ni Konsehal Edgar Cabanlas niadtong milabayng Miyerkules diin gituki ang hangyo sa DPWH sa planong pag-usab sa pipila ka local roads ngadto sa national roads.

Sumala ni Abaday nga makadaginot ang Lokal nga Kagamhanan sa galastuhon tungod sa pag-abag sa goberno nasyonal pinaagi sa buhatan sa Department of Public Works and Highways sa mga proyekto nga gusto nilang ipatuman sa syudad.

Niini, malaumon si Abaday sa padayong pakigtimbayayong ug hugot nga kooperasyon sa kadagkoan sa DPWH ug sa lokal nga kagamhanan sa tumong nga mahiusa ang tinguha alang sa pagpalambo sa mga proyekto sa dakbayan.