Mga programa, proyekto sa SK sa Brgy 22 gipundohan

MOKABAT sa ₱415 mil ang gigahin nga pundo sa Sangguniang Kabataan (SK) sa Barangay 22 aron magamit pagpatuman sa mga programa ug proyekto nga gitinguhang maghatag og kalambuan dili lang sa kinabuhi sa kabatan-onan kun dili lakip na sa komunidad.

Kini ang unod sa gisumeteng 2022 Annual Budget sa SK sa barangay nga gipaabot konsiderahon sa komite sa Sports and Youth Development ni Konsehal John Michael Seno.

Ang pagproteher sa kinaiyahan ang isa sa gihatagan og pagtagad sa kabatan-onan pinaagi sa paggahin og igong kantidad alang sa paglimpyo sa palibot sa tinguha nga mamintanar ang kahindik ug pagpangandam sa panahon sa ting-ulan.

Lakip usab sa gipundohan mao ang feeding program, Covid-19 response, pagpalit og usa ka unit nga laptop alang sa buhatan sa barangay ug uban pa.

Ang budget sa SK sa barangay mobalor og P677,255.00 nga gilaumang makatabang sa pagkab-ot sa dugang kalamboan sa kabatan-onan sa dapit.