Mga programa,proyekto sa barangay 9 mapatuman na

DUGANG kalambuan ang gipaabot nga matagamtaman sa Barangay No. 9 ning syudad.

Kini human ang konseho sa syudad atol sa sesyon niadtong Lunes nga gidumala ni Bise Mayor Kikang Uy misagop sa resolusyon nga nag-uli sa ordinansa sa barangay diin nasukip ang ilang 2022 Annual Budget nga adunay gibanabanang kinita-an ug galastohon balor P3,565,371.00.

Tipik sa gihatagan ug prioridad sa barangay nga mapatuman mao ang pagtukod sa proyekto sa infrastraktura ingon man ang mga nag-unang gikinahanlan sa barangay nga makahatag serbisyo sa katawhan.

Ang resolosyon nga gipalabang sa konseho alang sa nasangpit nga katuyuan gipaluyuhan sa komite sa barangay affairs ni Konsehal Yan Lam Lim ug sa komite sa pamalaod ug reglamento ni Konsehal Ian Mark Nacaya.