Mga pipelines sa COWD paimbestigahan -Abbu

“KON gusto nato matagamtaman ang kalimpyo sa tubig, ngano ang Cagayan de Oro Bulk Water, Inc. (COBI) raman ang pakasad-on?”

CDO City Council pipelines of COWD paimbestigahan -Abbu

Kini ang reaksyon ni Konsehal Joey S. Abbu, Jr., Chairman sa Komite sa Labor and Employment, sa special report ni Konsehal James Judith sa sesyon sa konseho niadtong Lunes nga gidumala ni Bise Mayor Bebot Rodriguez kabahin sa seguridad sa kalimpyo sa supply sa COBI nga maoy water supplier sa Cagayan de Oro Water District (COWD).

Matod sa konsehal nga mandato sa COWD ang paghatag sa limpyo ug mainom nga tubig, busa kinahanglan nga ilang ayohon ang mga karaan na kayo nga pipelines.

Nunot niini, buot ni Konsehal Abbu nga maimbestigahan pud ang COWD kon unsay ilang laraw aron masolusyonan ang kalimpyo sa supply sa tubig ngadto sa tanang konsumante.