Mga mulo sa Cogon, Carmen stall vendors tun-an sa komite ni Lim

GIPAABOT nga konsiderahon sa Komite sa Economic Enterprises ubos ni Konsehal Yan Lam Lim ang gipadangat nga mga isyu sa pipila ka  stall vendors diha sa Cogon ug Carmen Market, ning syudad.

Kini human giduso ni Bise Mayor Bebot Rodriguez ang ilang sulat nga naghangyo nga mahisgutan sa komite ang ilang dugay na nga gihambin nga mga mulo nga milangtod kanila sa dili ma-renew ang ilang mga permit ug ang pagsaka sa abangan sa stall.

Gipasabot sa bise mayor nga kinahanglan mahatagan kini sa makuting pakisusi aron mahatag kanila ang tukmang aksyon.