Mga mamaligyaay sa Bolonsiri prioridad sa tukurong commercial spaces

GIHINGUSGAN ni Konsehal Eric Salcedo, chairman sa komite sa environment and natural resources, nga hatagan sa prioridad ang kasamtangang vendors sa Bolonsori Public Cemetery sa gitukod nga 28 commercial spaces sa maong sam-ang.

Kini ang giluwatan sa konsehal atol sa milabayng tigom sa komite human ang kadagkoan sa Clenro mitaho nga adunay 28 ka commercial space ang gigahin alang sa mga mamaligyaay sa sam-ang nga gilaumang ablihan sa hinapos sa tuig.

Matod ni Salcedo nga kinahanglan kadto lamang gayud ang kasamtangang namaligya dinha sa Bolonsiri ang hatagan sa prioridad pag-okupar ug likayan nga adunay taga-gawas nga makasulod aron mahatagan sa proteksyon ang mga vendors.

Ang tigom gitambungan usab ni konsehal John Michael Seno.