Mga kasong gisang-at sa Komite sa Ethics padayong dunggon

Magpadayon ang pagdungog sa Komite sa Ethics and Blue Ribbon ni Konsehal Edgar Cabanlas sa mga reklamo batok sa pipila ka mga opisyal sa barangay sa syudad.

Sa milabayng tigom sa komite, gihatagan sa kahigayonan nga makaatubang sa gipasakang sumbong ang kapitan sa Barangay Mambuaya uban sa kalihim ug tresorero niini ug gitakda ang sunod nga pagdungog sa Agosto 10, 2023 human kini pakyas nga makatambong gumikan sa nauna nang mga kalihokan.

Gitakda usab sa komite nga dunggon sa Septembre 14, 2023 ang duha ka managlahing sumbong batok sa kapitan sa Barangay Lapasan. Ang tigom sa Komite sa Ethics gitambongan nila ni Konsehal Joey Abbu, Roger Abaday ug Aga Suan.