Mga kapunongan gi-akredit sa Konseho

HINIUSANG gi-akredit sa Konseho sa Syudad sa sesyon kagahapon nga gidumala ni Bise Mayor Bebot Rodriguez ang pipila ka mga civic organizations isip membro sa Local Special Bodies sa dakbayan.

Kini naglangkob sa Bulua West Bound Fruits and Vegetables Landing Area Labor Association, Inc. (BWFLALA); Damgu Homeowners Multipurpose Cooperative; Villeview Lumbia Homeowner’s Association; PAMANA, Inc.; Gugma sa Kabataan, Incorporated; Basic Ecclesial Community Homeowner’s Association (BECHOA); Philippine Institute of Environment Planners-Northern Mindanao Chapter; Xavier Heights Subdivision Homeowner’s Association; Cagayan de Oro City Tribal Council Indigenous Political Structure (IPIS), Inc.; Tipolohon Action Group Association, Inc.; Toplands Kapunongan Farmers Agriculture Cooperative (TOHKFA); Cagayan de Oro Resettlement and Socialized Housing Project (CDORSHIP-2); Philippine Island Kids International Foundation, Incorporated; ug, De Oro United Labor Association, Inc.

Gisuportahan sa konseho ang maong lakang pinasubay sa DILG Memorandum Circular No. 2022-083 ug Article 64 Rule XIII sa lagda ug reglamento sa 1991 Local Government Code. Nasayran nga ang maong mga kapunungan nakasumete na sa mga gikinahanglang rekisitos aron ma-akredit isip usa sa mga LSB sa syudad. Isip sakop sa LSB ang kapunongan mahimong mahatagan sa pundo gikan sa kagamhanan ug ubang ahensya sa gobyerno aron magamit dinha sa pagpatuman sa ilang mga programa ug proyekto nga gilantawng maghatag kalamboan sa ilang mga membro.

Ang resolusyon nga gisagop sa konseho alang sa maong katuyoan gipaluyohan sa Komite sa Planning, Research and Innovation and People’s Organization Accreditation ni Konsehal Ian Mark Nacaya ug Komite sa Pamalaod ni Konsehal Edgar Cabanlas.