Mga Iskolar sa Dakbayan giaghat sapagtambong sa tinuig nga panagtigom

SI Konsehal Suzette Magtajas-Daba, chairman sa komite sa edukasyon, nagpahinUmdom sa tanang Iskolar sa Dakbayan (IsDa) nga taman lamang ugmang adlawa, ang pagpre-register alang sa pagahimoong Panagtigum: Iskolar sa Dakbayan General Assembly 2023.

Matod sa konsehal nga tinuig kini nga kalihokan ug gikinahanglan nga makatambong ang tanang IsDa sa tingoha nga magkailhanay, mamugna ang panaghigalaay sa usag-usa uban sa nangulo niini, makapasundayag sa ilang tagsa-tagsa ka mga talento ug mag-apil sa giandam nga mga dula ug uban pa nga maghatag kanila og dugang kalamboan isip mga benepisaryo sa maong programa sa kagamahanan.

Niini, kusganong giaghat ni Daba nga motambong pinaagi sa pagparehistro gamit ang link nga gihatag sumala sa ilang tagsa-tagsa ka eskwelahan:

LDCU: bit.ly/LDCU_PanagtigumReg

XU: bit.ly/XU_PanagtigumReg

USTP: bit.ly/USTP_PanagtigumReg

CU: bit.ly/CU_PanagtigumReg

COC: https://bit.ly/COC_PanagtigumPre-Reg

LC: https://bit.ly/LC_PanagtigumReg

PCC, SPC & STI: bit.ly/STI_PCC_STI_PanagtigumReg

Ang dili maka pre-register, dili makasulod sa venue, dugang pamahayag sa konsehal.