Mga Illegal STL substations sasyudad angayan sutaon, Konsehal Salcedo

Hugot nga gisugyot ni Konsehal Enrico Salcedo, chairman sa komite sa environment and natural resources sa konseho ang pagsagop og resolusyon nga magpadayag pagsupak sa renewal sa permit sa Millineum Diamond Corporation isip franchisee sa Small Town Lottery dinhi sa syudad.

Kini ang unod sa special report ni Salcedo sa sesyon sa niadtong Lunes nga gidumala ni bise mayor Kikang Uy.

Nasayran nga ang DMC mao ang nagdala o’ nag-operate sa Small Lottery Station sa syudad ingon man sa lalawigan sa Misamis Oriental.

Matod ni Salcedo nga iyang nasayran nga adunay mga STL substation nga mga illegal nga naga-operate sa bisan asang dapit nga walay insaktong pagmatikod sa DMC diin usa kini ka kalapasan sa korporasyon.

Kon mapatud-an dako kining kalapasan sa korporasyon kai walay saktong monitoring, pamahayag ni Salcedo.

Giklaro usab ni Salcedo nga kon tinood kining mga illegal nga STL booth hayan dako ang malogi sa Philippine Charity Sweeptakes Office (PCSO) ug gani wala siya makadungog nga nagdonar kini isip ilang social responsibilities niining panahon sa pandemya .