Mga higaonon sa Brgy. San Simon naghangyo nga matabangan-Abaday

NAGPADANGAT sa ilang sulat hangyo ang mga molopyo sa Zone-2 Barangay San Simon ning syudad human ma-igo ang ilang mga pinuy-anan sa road widening nga proyekto sa Department of Public Work and Highways DPWH-10.

Kini ang unod sa gipadangat nga special report ni Konsehal Roger Abaday, Chairman sa Komite sa Senior citizen atol sa sesyon niadtong Lunes nga gidumala ni Bise Mayor Kikang Uy.

Sumala ni Abaday nga nagpadangat og sulat si Datu Liloan Teofilo Awaka, Tribal Leader nga unta matabangan sila sa ilang kahimtang kay apektado man ang pinuy-anan sa nasangpit nga proyekto.

Dugang sa konsehal nga ang hangyo lang sa mga apektadong residente nga mahatagan sila sa insaktong kabalhinan nga diin sila makapahimutang.

Nunot niini gihangyo ni Konsehal Roger Abaday nga ma-evaluate ang mga molopyo ug mahatagan sa tukmang aksyon.

Ang maong panawagan ug hangyo giduso ni Bise Mayor Kikang Uy sa komite sa Urban and Rural Poor and Housing Development ni Konsehal Edgar Cabanlas alang sa tukmang disposisyon.