Mga gakabiling basura sa kadalanan nakahugaw sa palibot - Konsehal Lim

HUGOT gihangyo ni Konsehal Yan Lam Lim, chairman sa komite sa barangay affairs sa konseho, ang Clenro ug IPM nga masolosyunan ang iyang namatikdan nga gakabiling basura sa rural barangays nga giingong nakahatag kahugaw sa palibot ug lain tan-awon.

Kini ang gipaabot ni Lim atol sa tigom sa komite sa environment and natural resources niadtong milabayng Biernes nga gidumala ni Konsehal Eric Salcedo.

Matod ni Lim nga diha banda sa dalang Burgos ning syudad iyang namatikdan nga adunay mga gakabiling mga basura nga hugaw kaayong tan-awn labina sa mga bisita.

Segun sa taga Clenro nga kini nga mga basura mao kining gitawag og mixed waste nga dili gakolektahon sa IPM , hinoon kon ilang masayran kon asang establisemanto ang maong basura ila dayong gaisyuhan sa Ordinace Violation Receipt.

Dugtong niini gipasabot ni Lim nga dapat gayud mag coordinate ang IPM labina sa paglibot sa rural barangays aron masunod ang maong mga basura sa ingon mamintinar ang kalimpyo sa palibot.