MEDIATION BODY SA KOMITE SA ETHICS GIMUGNA

GIMUGNA sa komite sa ethics and blue ribbon ni Konsehal Edgar Cabanlas ang usa ka mediation body nga maninguhang masolosyonan sa labing daling panahon ang panagbingkil sa mga opisyal sa barangay nga dili na moabot pa sa trial.

Kini human si Konsehal Jose Pepe Abbu, Jr., sa tigom sa komite sa blue ribbon kagahapon nga gidumala ni Konsehal Ed Cabanlas, misugyot sa pagmugna sa maong hugpong nga magdungog ug makig-storya tali sa mga opisyal sa barangay ilabina kun ang kaso naglambigit lang sa kakulangon sa panagsinabtanay.

Aron malikayan nga modako ang panagbingkil, atong pangitaan sa pamaagi nga masulbad kini nga dili na moabot pa sa trial stage pinaagi sa pagpahigayon sa malinawon nga panag-storyahanay, pamahayag ni Cabanlas.

Niini, ang tibouk sakop sa komite maoy maglangkob sa gimugnang mediation body. (SP/JNortiza/Photos by JBDacer)