Mayo 9 gideklarang Special Non-Working Holiday

WALAY trabaho karong umaabot Lunes, Mayo 9 ning tuig sa tibook nasod sa Pilipinas.

Kini ang unod sa giluwatang Proclamation No.1357 ni Presidente Rodrigo R. Duterte nga nadawat sa buhatan sa konseho ubos ni Bise Mayor Kikang Uy nga nagdeklara sa maong petsa nga Special (Non Working) Holiday sa tibook nasod.

Kini aron magamit sa katawhan ang ilang katungod sa pagboto ning nagsingabot nga local ug national elections.

Niini, si Bise Mayor Uy nanghinaot sa usa ka hapsay ug malinawon nga eleksyon dala ang panghinaot nga makapili ang katawhan sa mga kandedato nga angayan modumala sa renda pangagamhanan alang sa kalamboan dili lamang sa dakbayan apan sa tanang dapit sa Pilipinas.