Marathon budget hearing sugdan karong adlawa

Sugod karong adlawa, Nobyembre 16 ning tuig ipahigayon ang deliberasyon sa 2022 budget sa dakbayan diha sa hawanan sa konseho nga molungtad sa Nobyembre 26, 2021.

Kahinumduman nga ang konseho sa dakbayan nga gipangulohan ni Bise Mayor Kikang Uy nimugna sa Committee of the Whole subay sa Resolusyon No. 13991-2021 aron pagtuki sa gisumeteng Executive Budget (General Fund and Special Account- Local Economic Enterprises) alang sa sunod tuig.

Niini, malaumon si Bise Mayor Kikang Uy nga mapatuman sa hingpit ang mga programa og proyekto nga magdala ug dugang kalamboan og kaarangan sa katawhan sa dakbayan.