Mall Hours extension sugdan sa Nov.29 ning tuig

GIPAHIBALO ni Konsehal George Goking, chairman sa Ways and Means sa konseho nga magsugod na ang Mall Hours extension gikan sa alas 10 sa buntag hangtod alas 10 sa gabii sa mga dagkong shopping malls sa syudad.

Sumala ni Konsehal Goking nga nagpahibalo na kaniya ang mga magpapatigayon sa syudad diin matag tuig kini nga kalihukan ilabina panahon sa kapaskuhan diin daghan sa mga malls ang nagtanyag sa ilang dagkong diskwento.

Siya midugang nga dako kini ug makatabang sa kinitaan sa  atong mga Public Utility Vehicle ug makagaan usab kini sa dagan sa trapiko sa syudad tungod kay pwede naman nga dili mag-dungan ug uli panahon sa rush-hour kay ang uban niini mohapit man sa mga mall aron mamalit,” sumpay sa konsehal”.

Niini mapasalamaton si Goking sa hugot nga pakigtimbayayong ug kooperasyon sa mga  dagkong negosyante sa kagamhanang lokal sa ilang makanunayong pag-abag ug suporta.