Maayo nga isulti ang tinood nga kalidad sa tubig-Calizo

“IT’S good that we tell the truth, so that COWD will react very appropriately.”

Kini ang reaksyon ni Konsehal Romeo Calizo, Chairman sa Komite sa Public Utilities,  sa special report ni Konsehal James Judith sa sesyon sa konseho niadtong Lunes nga gidumala ni Bise Mayor Bebot Rodriguez mahitungod sa iyang nasuta nga walay water treatment plant ang Cagayan de Oro Bulk Water, Inc. (COBI) kinsa maoy water supplier sa Cagayan de Oro Water District (COWD).

Mipasabot ang konsehal nga makatarunganon lang nga mo-react ang COWD sa maong taho tungod kay sa  pila ka tuig nga hugaw ug dili mainom ang tubig  wala  silay  gihimong igong  aksyon alang sa maong katuyoan.

Gibutyag ni Konsehal Calizo nga  dili angayan nga dawaton ang ilang  limitasyon tungod kay dili kini makahatag og kaayohan sa katawhan ug bisan og mahimong matawag nga sayo ra kaayo ang report ug dili kompleto, apan mas maayo nga isulti ang tinood.