Loteng magamit nga dalan dihas Tablon gitanyag idonar

Hayan maablihan na og dalan ang mga molopyo duol sa Cagayan de Oro City Hospital sa Barangay Tablon.

Kini human nadawat sa komite sa urban and rural poor and housing development ni Konsehal Edgar Cabanlas ang sulat ni Dra. Stephanie Denise Alagadan, hepe sa City Hospital nga nagpadayag sa intensyon pagdonar og usa ka metro kalapad nga lote kilid sa loteng gigamit sa City Hospital alang sa road right of way.

Gilauman nga makahatag kini sa kaarangan og seguridad sa mga molopyo sa dapit panahon sa panginahanglan. Mahinumduman nga ang komite ni Cabanlas una nang mipasaka og resolosyon nga naghangyo sa konseho sa barangay Tablon nga maabagan ang mga molopyo makaangkon sa gikinahanglang dalan.