Lokal nga produkto sa Bulua gisuportahan ni VM Rodriguez

MAS labing mapanindot pa ang  mga produktong banga/kolon diha sa Barangay Bulua kon adunay makahimo sa hand painting o kon mapinturahan nila kini.

Kini ang panahom ni Bise Mayor Bebot Rodriguez sa sesyon niadtong Lunes human si Konsehal Gerlie Balaba mihimo sa iyang special report alang pagpanday og balaod nga magpreserbar sa lokal nga produkto sa Bulua.

Sumala sa bise mayor nakasulay na siyag palit niini ug iyang kining gipapinturan maong misamot  kini ka nindot hinungdan nga iyang gipasabot nga kon daghan nila ang makahimo sa pagpintura  makita gyud ang kanindot sa maong mga kolon labina kon ila pang palamboon ang mga porma niini.

Samtang suportado sa bise mayor ang maong lakang, iyang gisugyot nga sila mangita og mga tawo nga maoy mohimo sa hand painting o pagpintura niini aron nga labing mapanindot pa ang ilang mga produkto.