Livestock registration sa Indahag tun-an sa kom. sa barangay affairs

GIHINGUSGAN sa Barangay Indahag nga matubag ang nagkadako nga panginahanglan sa pagdumala sa kahayopan. Usa ka ordinansa nga gipalabang sa Konseho sa maong Barangay alang sa pagpatuman sa livestock registration system sa ilang dapit.

Ang maong ordinansa gitumong aron mapalig-on ang sektor sa mag-uuma pinaagi sa usa ka komprehensibo nga sistema sa pagrehistro sa ilang mga kahayopan.

Ang maong ordinansa nagmando alang sa regular nga pagbakuna sa mga hayop ug ang pagtaho ngadto sa hintungdang ahensya kon adunay disease outbreak.Ang maong ordinansa giduso ni Bise Mayor Bebot Rodriguez ngadto sa komite sa barangay affairs ni Konsehal Yan Lam Lim alang sa dugang pagtuon.(RNQuiblat/SP)