Limpyo, malahutayong Oro River gihingusgan

Padayong gihingusgan sa kagamhanan sa dakbayan ang pagproteher ug pagpreserba sa Cagayan de Oro River. Kini human ang Konseho sa syudad, sa sesyon niadtong Lunes nga gidumala ni Presiding Officer Protempore Konsehal Romeo Calizo, mipalabang sa ordinansa nga naghatag og katungod ni Mayor Klarex Uy pagpirma sa Memorandum of Agreement (MoA) tali sa mga relihiyong pundok, ahensya sa gobyerno, mga lokal nga kagamhanan, non-government organizations, security group, mga tunghaan, business sector ug social/people’s organization alang sa pagmugna ug pagpalapad sa Cagayan de Oro River Basin Management Council.

Kini naglakip sa Archdiocese of Cagayan de Oro; Diocese of Malaybalay; Department of Environment and Natural Resources 10 (DENR); Environmental Management Bureau-Region 10; Department of Interior and Local Government (DILG); National Economic and Development Authority (NEDA); National Irrigation Administration Region 10; National Commission on Indigenous Peoples; Department of Agriculture; Bureau of Fisheries and Aquatic Resources; Department of Public Works and Highways; Department of Agrarian Reform; Department of Social Welfare and Development; Department of Science and Technology; Department of Education; Department of Health; Department of Tourism; Department of Human Settlements and Urban Development; Mindanao Development Authority; Philippine Information Agency; Commission on Higher Education; Office of Civil Defense; Cagayan de Oro Water District; mga lokal nga kagamhanan sa Talakag, Libona, Baungon, Iligan, Bukidnon ug Misamis Oriental; Environmental Science for Social Change; Hineleban Foundation, Inc.; Kitanglad Integrated NGO, Inc.; Balay Mindanaw Foundation Inc.; Macajalar Bay Development Alliance; Safer River, Life Saver Foundation, Inc.; Philippine National Police 10, PNP-Bukidnon, PNP-Misamis Oriental; 4th Infantry (Diamond) Division-Philippine Army; University of Science and Technology of Southern Philippines -Cagayan de Oro Campus; Bukidnon State University; Central Mindanao University; Capitol University; Liceo de Cagayan University; Northern Bukidnon State College; Mindanao State University- Iligan Institute of Technology; Xavier University - Ateneo de Cagayan University; Del Monte Philippines, Inc.; Cagayan de Oro Chamber of Commerce and Industry Foundation Inc.; Cagayan Electric Power and Light Company; ug Sustainable Ridge-River-Reef Advocacy and Management Society.

Ubos sa MoA, gipasabot nga gimando ubos sa 1987 Constitution ang pagproteher ug pagpalig-on sa katungod sa mga Pilipino dinha sa pagbaton balanseng ekolohiya. Matod pa nga ang epektibo nga panagtambayayong sa tanang stakeholders lakip na sa mga local government units, national government units, non-government organization, people’s organization ug mga pribadong sector makatabang aron mapadali ang pagkab-ot sa gitinguhang limpyo ug malahutayong Cagayan de Oro River.

Ang ordinansa nga gipalabang sa konseho alang sa maong katuyuan gipaluyuhan sa komite sa environment ni Konsehal Roger Abaday ug komite sa pamalaod ni Konsehal Edgar Cabanlas.