Lim padayong mitunol ug ayuda sa mga kabus sa dakbayan

GIBATI ni Konsehal Yan Lam Lim, chairman sa komite sa Barangay Affairs ang tumang kalisod sa katawhan nunot sa nasinating pandemya hinungdan nga padayon kining nag apod-apod ug hinabang ilabina niadtong ubos nga hot-ong sa katilingban.

Lakip sa natunolan sa konsehal ang mga motorela drivers, tri-sikad drivers, taxi driver, PUJ drivers ug pipila ka mamaligyaay nga malipayong midawat sa maong hinabang.

Pipila usab nga mga barangay sa syudad ang iyang gibisitahan ug gihatagan sa ayuda diin daghan ang nakapahimulos nga mga kabus.

Si Lim mibutyag nga bisan sa ginagmay apan kinasing-kasing ang pagtabang ug paghatag pahalipay sa mga kabus nga labaw’ng nanginahanlan sa panabang niining giatubang nga krisis tungod sa pandemya.

Niini nanghinaot ang konsehal nga pinaagi sa pag-ampo ug panaghiusa sa katawhan malampasan ra gihapon ang kalisod nga nasinati karon sa tanan, sumpay ni Lim.