Lim misuporta sa kasaulogan sa Women’s Month

HUGOT nga gisuportahan ni Konsehal Yan Lam S. Lim, chairman sa komite sa barangay affairs, ang kasaulogan sa Women’s Month dinhi sa dakbayan sa Cagayan de Oro nga nagsentro sa temang “WE for gender equality and inclusive society”.

Nasayran nga lain laing kalihukan ang gipasiugdahan sa kagamhanan sa dakbayan pahaum sa kasaulogan agig pag-ila sa dakong kontribusyon sa kababaihan dinha sakalamboan sa syudad.

Gipasabot sa konsehal nga dako kaayo ang papel sa kababaihan sa bisan unsang aspeto sa kinabuhi ilabina dinha sa pag-umol sa mga balaod, pagpanguna sa lain laing kapunungan ug labaw sa tanan pag-amuma sa ilang tagsa tagsa ka pamilya labina diha sa pagmatuto sa ilang anak.

Matod ni Lim nga kanunay siyang mosuporta sa mga programa sa kababaihan dala ang panghinaot nga mapalambo ang ilang mga kinabuhi ug magmalampuson sa ilang mga pangandoy.