Libreng arrozcaldo ingon man pagtunol og ayuda nagpadayon

WALAY puas ug padayon ang serbisyong gitunol ni Konsehal Yan Lam Lim, chairman sa komite sa Barangay Affairs sa konseho, direkta ngdto sa kabarangayan.

Nasayran nga karong adlawa, nagpahigayon og Libreng Arrozcaldo ang panon ni Lim sa Barangay Tablon diha mismo sa vaccination area.

Matod ni Lim nga gitinguha niyang mahatagan sa arrozcaldo ang mga nagpabakuna labina nga daghan niini ang nagsayo pa sa vaccination area aron lang mabakunahan.

Sa laing bahin, miapod-apod usab si Lim og ayuda ngadto sa grupo sa LGBT dihas Macasandig.

Matod ni Lim nga ginagmay lang nga ayuda ang iyang gitanyag apan kinasing kasing aron nga makatabang sa katawhan labina niining panahon sa pandemya.