LGBT dihas Kauwagan nakadawat ug ayudad gikan ni Konsehal Lim

LAING hut-ong sa katilingban ang nakadawat sa ayuda gikan ni ABC President ug Konsehal Alam Lim.

Kini mao ang hut-ong sa LGBT dihas Barangay Kauswagan nga lakip sa labaw’ng naapektohan niining panahon sa pandemya dala sa Covid 19.

Mahinumduman nga niadtong gipaubos ang syudad sa Enhanced Community Quarantine (ECQ) daghan kanila ang nawad-an og panginabuhian tungod sa pagsira sa mga establisamento.

Si Konsehal Lim kinsa chairman sa komite sa Barangay Affairs mibutyag nga nagkinahanglan usab ang maong hut-ong og ayuda aron maalibyohan ang kalisod nga ilang nasintati karong panahona.

Niini, gipasalamatan ni konsehal Lim sila si Kagawad Keana Estrada ug Kirby Cahoy sa ilang pagpasiuna nga matabangan ang LGBT group sa nahisgutang barangay ug nanghinaot nga daghan pa ang iyang matabangan sa umaabot nga panahon.