Lao misuporta pagpalit Remdesivir, respiratory machine

Misugyot nga dapiton sunod sesyon ang kadagkoan sa departamento sa panglawas

Si konsehal Teodulfo Lao Jr., chairman sa komite sa Public Utilities, mibutyag nga mismo ang World Health Organization (WHO) ang mi-endorso nga makatambal batok sa Covid-19 ang Remdesivir.

Kini ang gipaambit nga reaksyon ni Lao atol sa sesyon ni-adtong lunes nga gidumala ni Bise Mayor Kikang Uy kabahin sa special report ni Konsehal Edgar Cabanlas mahitungod sa kakulangon sa maong supply.

Sumala ni Lao nga suportado niya ang nasangpit nga laraw ni Cabanlas ilabi na kay kulang pa kaayo ang supply sa vaccine niining mga panahuna ug misaka ang kaso sa natakboyan sa Covid sa syudad.

Gisugyot usab ni Lao nga malakip nga makonsidera sa pagpalit ang respiratory machine kay namatikdan nga gikinahanlan kaayo sa mga balay tambalanan.

Nunot niini gihangyo ni Lao ang konseho nga dapiton sa sunod sesyon ang mga kadagkuan sa Departamento sa panglawas aron ilang mapadayag ang mga gikinahanlan ug aron mapangita-an usab dayon kini sa gahin alang sa maong katuyo-an.