Konseho uyon ma-convert 3 city roads ngadtos nat’l roads

Hayan ma-convert na ang klasipikasyon sa pipila ka lokal nga dalan sa syudad ngadto sa national roads.

Kini human ang konseho sa syudad sa sesyon kagahapon nga gidumala ni Bise Mayor Jocelyn Rodriguez misagop sa resolusyon nga nagpadayag sa pag-uyon sa lakang mag-convert sa mga dalan sa Macapagal Drive - Opol Diversion Road, South Diversion Road ug Cabula Road gikan sa lokal nga mga dalan ngadto sa national roads.

Si Konsehal Joh Michael Seno, chairman sa komite sa public works ug usa sa nagpaluyo sa gisagop nga resolosyon, mipasabot nga ang pag-convert sa maong mga dalan makatabang sa pagkab-ot sa dugang kalamboan niini.

Ang maong mga gisugyot ma-convert nga mga dalan nagsilbing alternatibong dalan nga magkonektar sa sentro sa syudad ngadto sa lain laing barangay ug gilaumang mopagaan sa kapiot nga dagan sa trapiko gawas pa nga makatabang usab kini sa ekonomikanhong kalamboan sa syudad.

Ang resolusyon nga gipalabang sa konseho alang sa maong katuyuan gipaluyuhan usab sa komite sa pamalaod ni Konsehal Ian Mark Nacaya.