Konseho sa syudad mi-acredit sa Zonacar Landless association

Paborableng giuyonan sa konseho sa syudad sa sesyon niadtong lunes nga gidumala ni Bise Mayor Bebot Rodriguez ang akreditasyon sa Zonacar landless association sa Zone-7 Acasia Extension Barangay Carmen ning syudad isip miebro sa Local Special Bodies pinasikad sa DILG Memorandum Circular No. 2002-083 ug Article 64 sa Rules and Regulation sa Local Government Code 1991.

Kini nga katuyuan aron nga mahatagan sa igong pundo sa kagamhanang local ug sa ubang ahensia sa goberno ang ilang mga gihan-ay nga mga programa ug proyekto.

Nasayran nga lakip sa prioridad sa programa ni Mayor Klarex Uy ang pagtabang sa mga kapunungan aron mapadali ang pagtunol sa ilang mga panginahanlan.

Ang maong resolosyon nga gisagop sa konseho alang sa maong katuyuan gipaluyuhan sa komite sa Urban & Rural Poor and housing development ni Konsehal Edgar S. Cabanlas ug sa komite sa pamalaod ni Konsehal Ian Mark Q. Nacaya.