Konseho nasubo sa pagpanaw ni kanhi PB Arana

DAKO ang kasubo sa Konseho sa Syudad ubos ni Bise Mayor Bebot Rodriguez sa hinanaling kamatayon ni kanhi Punong Barangay Atty. Perseverando L. Arana, Jr.

Usa ka resolusyon ang hiniusang gisagop sa konseho sa sesyon niadtong Lunes nga nagpadayag sa ilang pahasubo ngadto sa nahabiling banay sa kanhi Kapitan sa Barangay Bugo.

Si Arana nahimong Barangay Kapitan sa Bugo sulod sa pipila ka tuig ug matinud-anon nag-alagad sa mga Bugoanon.

Sa resolusyon, gipadayag  sa Konseho nga ang kamatayon ni Arana dakong kawad-on sa mga Kagay-anon tungod sa iyang katarong sa pagpanerbisyo nga magpabilin sa huna-huna ug kasingkasing sa tanan.