Konseho nasubo sa pagpanaw ni kanhi Kapitan Auza

DAKO ang kasubo sa Konseho sa Syudad ubos ni Bise Mayor Bebot Rodriguez sa hinanaling kamatayon ni kanhi Kapitan Billy Kid Auza sa Barangay Tablon.

Usa ka resolusyon ang gisagop sa Konseho sa milabayng sesyon nga nagpadayag sa pahasubo ngadto sa nahabiling banay sa kanhi kapitan kinsa nahimong amahan sa Tablon sulod sa pipila ka tuig ug giila nga usa sa mga maligdong nga opisyal sa barangay.

Sa resolusyon gipadayag nga ang kamatayon ni Auza dakong kawad-on dili lang sa katawhan sa Tablon kun dili sa dakbayan tungod sa iyang katarong sa pagpanerbisyo nga magpabilin sa huna-huna ug kasingkasing sa tanan. (JRGalano/SP)