Konseho mipasidungog sa CDO Karatedo Team

Malipayong gipahibalo ni Konsehal Roger Abaday, chairman sa komite sa games and amusement, nga nasakmit sa CDO Katatedo Team ang 2nd runner-up over-all champion sa gipahigayong 86th Araw ng Davao Karatedo invitational tournament didto sa NCC Mall, Davao City niadtong Marso 18-19 ning tuig.

Kini ang unod sa iyang special report atol sa sesyon niadtong Lunes nga gidumala ni Bise Mayor Jocelyn “Bebot” Rodriguez.

Sumala ni Abaday nga kini ang ikaduhang higayon nga misalmot ang syudad sa maong torneo ubos sa pamunu-an ni Mayor Rolando “Klarex” Uy diin nakuha sa mga atleta ang 13 ka gold medals, upat ka silver medals ug usa ka bronze medal.

Ang 13 ka gold medal nakuha nila ni Sidney Jadap, Kathlene Mae Lapad, Martinito Jadap, Eunice Cawaling, Leani Padillo, Victor Capusas, Lito Santos, Llyod Sagrador, Erica Mae Padillo samtang nakuha nila ni Santos Martino, Erica Lleso ug Lenton Santos ang silver medals ug solong nakuha ni Rene Onas ang Bronze medal.

Niini, ang konseho mipasaka og resolosyon nga nagpasidungog sa mga Kagay-anong atleta uban sa ilang mga coach sa kalampusan nga nakab-ot nga nagdala og garbo ug dungog sa syudad sa maong torneo.