Konseho mipasalamat sa Supreme Court

DAKO ang pasalamat sa konseho sa syudad ubos ni Bise Mayor Bebot Rodriguez sa Supreme Court sa nasud sa paglakip sa Xavier (Ateneo de Cagayan) University ug Liceo de Cagayan University nga mga testing centers sa gipahigayong 2020/2021 Bar Examinations.

Sa resolosyon nga gisagop alang sa maong katuyuan, ang konseho mipasalamat nila ni Supreme Court Chief Justice Alexander Gesmundo, Senior Associate Justice Marvic Leonen ug associate justices Mario Lopez, Samuel Gaerlan, Jhosep Lopez, Japar Dimaampao ug Jose Midas Marquez sa pagbisita sa dakbayan ug pagsaksi sa gipahigayong unveiling ceremony sa gipahimutang nga historical markers sa malampusong pagpahigayon sa pasulit sa maong mga unibersidad.

Ang resolosyon nga gipasaka sa konseho gipangamahanan ni Konsehal Ian Mark Nacaya.