KONSEHO MIPASALAMAT SA MIDONAR OG HANDHELD RADIO, WHISTLE SA RTA

DAKO ang pasalamat sa konseho sa syudad ubos ni Bise Mayor Bebot Rodriguez kang Anthony Obsioma sa makanunayong pag-abag sa kagamhanan sa dakbayan ilabina sa buhatan sa Roads and Traffic Administration (RTA).

Kini human si Obsioma midonar og 30 ka handheld radio ug 30 ka whistle pabor sa kagamhanan sa dakbayan atol sa flag raising ceremony sa City Hall niadtong Lunes.

Si Konsehal Roger Abaday, kinsa nangamahan sa gipasakang resolosyon alang sa maong katuyuan, mipasabot nga dalaygon ang kamanggihatagon ni Obsioma ilabina sa pagtubag sa pipila ka panginahanglanon sa RTA.