Konseho mipahasubo sa pamilyang Pallugna

HINIUSANG gipadayag sa Konseho sa syudad ubos ni Bise Mayor Bebot Rodriguez ang ilang pahasubo ngadto sa nahabiling banay  ni Atty. Alejandro Jose Pallugna.

Kini tungod sa iyang kalit nga pagtaliwan ngadto sa laing kalibutan.

Sa sesyon niadtong Lunes, ang konseho mipalabang og resolusyon alang sa maong katuyuan nga gipaluyuhan sa tanang sakop sa konseho.

Si Pallugna usa ka abogado nga maligdong ug nahimong manlalaban sa mga tao nga nagkinahanglan sa iyang serbisyo ug ang iyang kamatayon dakong kawad-on sa mga tawo nga iyang gilabanan ug gitabangan.