Konseho mipahasubo sa pamilyang Pabayo

ANG konseho sa syudad ubos ni Bise Mayor Bebot Rodriguez hiniusang mipahasubo sa  nahabiling banay ni Dorothy Jean Pabayo  sa iyang kalit nga kamatayon.

Sa resolusyon nga gipasaka sa Bise Mayor, giingon nga si Dorothy Pabayo dako kaayo og papel sa pag-promote ug pagpataas sa atraksyon sa Cagayan de Oro Whitewater Rafting  pinaagi  sa pagsundayag niini  sa national  travel expos.

Sumala pa nga gihalad ni Pabayo ang iyang kinabuhi diha sa pag-promote sa turismo sa Aminahang Mindanao ug mibarog isip determinadong advocate sa tourism industry nga nagbilin sa dili mapapas nga marka dinhi sa dakbayan ug sa tibuok rehiyon.

Subay niini, ang konseho mipasaka og resolusyon alang sa maong katuyuan nga gipangamahanan ni Bise Mayor Bebot Rodriguez ug tanang sakop sa konseho.