Konseho mipahasubo sa pamilyang Galpo, Epanes

HINIUSANG giuyonan sa Konseho sa Syudad, sa sesyon niadtong Lunes nga gidumala ni Bise Mayor Bebot Rodriguez, ang resolosyon nga nagpaabot sa ilang pahasubo ngadto sa pamilyang napalgang patay human sa nahitabong sunog sa ilang panimalay niadtong Octobre 7, 2023 diha sa Barangay Indahag.

Si Konsehal Roger Abaday, nangamahan sa gipasakang resolusyon, mibutyag nga dakong trahedya ang nahitabong kamatayon sa pamilyang Galpo ug Epanes.

Niini, nanawagan ang konseho sa kapolisan pagpahigayon sa makuting imbestigasyon sa maong kaso aron masuta ang tukmang hinungdan sa kamatayon ug kun mamatud-ang adunay mga nalambigit sa trahedya mahatagan kini sa hustisya.