Konseho mipahasubo sa nabiling banay ni kanhi bise mayor ug kongressman Damasing

HINIUSANG mipaabot sa ilang hugot nga pahasubo ang konseho sa syudad ubos ni Bise Mayor Kikang Uy sa sesyon niadong Martes ngadto sa nahabiling banay ni kanhi Bise Mayor Atty. Erasmo B. Damasing tungod sa kalit nga pagpanaw niini ngadto sa laing

kalibotan.

Mahinumdoman nga si Damasing nagsilbi usab nga kongresista sa syudad ug dako kaayo ang iyang naamot sa pagkab-ot sa gitinguhang kaarangan ug kalamboan sa katawhan.

Sa maong higayon, gihandoraw sa konseho ang mga nabuhat ug ang legasiya ni Damasing samtang kini nangatungdanan pa ug siya gikonsiderar nga usa sa labing maligdong nga Kagay-anon hinungdan nga ang iyang pagpanaw dako nga kawad-on sa

tanang katawhan.

Sa laing bahin ang konseho mipadangat usab sa pahasubo ngadto sa mga nahabiling banay ni Barangay Kagawad Mark E. Acenas sa Barangay Iponan ug Corazon S. del Fierro, ang Maternal Founder sa Corpus Christi School tungod sa ilang hinanaling pagtaliwan ngadto sa laing kalibutan.