Konseho mipahasubo sa banay’ng Moreno

Hiniusang mipaabot sa ilang pahasubo ngadto nila ni kanhi Mayor Oscar Moreno, Konsehal Imee Moreno ug sa nahabiling banay ni Atty. Emeterio S. Moreno Jr. kinsa mitaliwan na ngadto sa laing kalibutan dili pa lang dugay.

Giingon nga ang kamatayon ni Atty. Emeterio dako kaayo nga kawad-on sa iyang pamilya ug sa mga tao nga natabangan pinaagi sa iyang profession isip usa ka manlalaban sa katawhan.

Niini, usa ka resolusyon ang gisagop sa konseho sa syudad ubos ni Bise Mayor Bebot Rodriguez nga nagpadayag sa hugot nga pahasubo sa tibouk konseho sa hinanaling pagtaliwan ngadto sa laing kalibutan ni Atty. Emeterio Moreno, Jr.