Konseho mihatag panugot sa derby dihas Lumbia Octagon, Pagatpat Cockpit Arena

Hiniusang giuyonan sa konseho sa syudad atol sa sesyon niadtong Lunes nga gidumala ni Bise Mayor Bebot Rodriguez ang aplikasyon sa Lumbia Octagon Sports Arena (LOSA) alang sa invitational derby sa umaabot Hunyo 14 ug Canitoan Pagatpat Arena alang sa 3-cock derby sa Hunyo 15, 2023.

Kini human ang tigdumala sa maong mga bulangan nakaduso sa tanang gikinahanglang rekisitos alang sa maong matang sa operasyon subay sa balaod sa syudad.

Ang ordinansa nga gipalabang sa konseho alang sa maong katuyuan gipaluyohan sa Komite sa Games and Amusement ni Konsehal Roger Abaday ug Komite sa Pamalaod ni Konsehal Edgar Cabanlas.