Konseho mihatag panugot sa 3 Stag-Cock Derby dihas Indahag Square Garden

HINIUSANG giuyonan sa Konseho sa Syudad atol sa sesyon niadtong Lunes nga gidumala ni Bise Mayor Bebot Rodriguez ang aplikasyon sa Indahag Square Garden diha sa Barangay Indahag, ning syudad, nga makapahigayon sa ilang 3 Stag-Cock Derby ug 2 wins hackfight karong Enero 16 ug 17 ning tuig.

Kini human ang tigdumala sa maong bulangan nakaduso sa tanang gikinahanlang rekisitos alang sa maong matang sa operasyon subay sa balaod sa syudad.

Ang ordinansa nga gipalabang sa konseho alang sa nasangpit nga katuyuan gipaluyohan sa Komite sa Games and Amusement ni Konsehal Roger Abaday ug Komite sa Pamalaod ni Konsehal Edgar Cabanlas.