Konseho mihangyo mareclassify Lot 3817 sa barangay Carmen

HUGOT nga gihangyo sa konseho sa syudad ubos ni Bise Mayor Bebot Rodriguez sila si Kongresman Lordan Suan ug Rufus Rodriguez nga mapasaka sa kongreso ang usa ka balaodnon nga mag-convert sa 11 ka hektaryang yuta ubos sa Lot 3817 dinha sa barangay Carmen gikan sa timberland paingon sa alienable and disposable.

Kini sa tinguha nga magamit ang maong luna nga on-site resettlement area sa mga nanimuyo sa dapit.

Giingon nga sobra na sa 30 ka tuig ang mga nanimuyo sa maong luna ug igo na kini nga panahon nga maangkon nila ang loteng gitukuran sa ilang mga panimalay.

Hinuon, gitin-aw nga ang bukid bukid nga bahin sa maong luna nga gikonsiderang danger zone dili ilakip sa ma-convert ngadto sa alienable and disposable aron dili mabutang sa peligro ang posibleng magpuyo sa dapit.

Ang resolosyon nga gipalabang sa konseho alang sa maong katuyuan gipaluyohan sa komite sa urban poor ni Konsehal Edgar Cabanlas ug komite sa pamalaod ni Konsehal Ian Mark Nacaya.